Bestelako proiektuak
ebeteren helburua da euskararen erabileran eragiteko baliabideak eta tresnak frogatzea eta garatzea.
Horri begira, nagusiki irakasleekin eta gurasoekin egin izan da lana orain arte, eta aurrera begira eragile horiekin lanean jarraitzea lehentasunezkotzat jotzen da. Baina, bestelako proiektu batzuetan parte hartzea ere aurreikusten da, batez ere aholkularitza eskainiz.
Euskararen erabilera sustatzearekin zerikusia duten proiektuekiko interesa dugu, eta proiektu horietan gure ekarpena egiteko prest gaude. Udaletatik, Euskara Elkarteetatik edo bestelako erakundetatik sortutako beharrak eta proiektuak izan daitezke. Atal jakin batekin zerikusia dutenak edo plangintzak zehazteko asmoa dutenak.
Ezaugarri oso ezberdinetako proiektuak izan daitezke. Adibide moduan, orain arteko ibilbidean badira bi proiektu multzo horretan kokatuko liratekeenak:
- Topagunea Euskara Elkarteen federazioarentzat egindako lan bat 2008 urtean: Elkarteetan eragiten hitzarmengintzaren bidez. Herrietako elkarteetan (elkartearen izaera eta eginkizuna edozein delarik ere) eragiteko metodologia bat da, hitzarmengintza oinarri hartzen duena.
- Elgoibarko Izarra Euskara Elkartearentzat aholkularitza zerbitzua 2008 urtean: Haur eta gazte planean euskararen ikuspegia. Haurrentzako eta gazteentzako egitasmoetan hizkuntzei eman beharreko trataera, jardueren hizkuntza helburuak eta lehentasunak, euskararen erabilera sustatzeko proposamen berriak, hezitzaileentzat formazio beharrak, eta abar.
Proposamen zehatzak egiten ditugu erakundeen ezaugarrien, aukeren eta nahien arabera.
Informazio gehiago eta kontratazioak:
Aholkularitza zerbitzuari buruzko informazio zehatzagoa nahi izanez gero,
info@ebete.org
helbidera mezu bat bidali edo 
660 245 539
telefonora deitu.
